【viu】MIRROR x COLLAR首個跨團演唱會《Matchical Live 2024》今日開記者會，6位主角Jer、Stanley、Jeremy、Marf、Winka、Sumling一致以牛仔look現身，宣布10月5、6日喺會展開唱！
台上講到跳舞嘅crossover，「舞王Jer」竟被嫌棄？佢又點捍衛「舞王」之名？大表波爆Jer曾經喺佢面前除過衫，力證佢最近操得超fit，有8嚿腹肌添呀！而Jeremy亦都唔弱，大表波話佢都有6嚿兼麒麟臂，咁雙Jer可以互撼吓喎，Jer即刻得戚話到時會跳男人味濃嘅sexy舞，咁就真係等睇表演啦！
啱啱過咗生日嘅大表波，被姜濤post更衣室黑圖，佢「斥」姜濤聽唔明「遮住」嘅意思，搞到下半身完美外露！問到大表波有冇「黑濤」反擊？佢抵死自稱唔會做啲陰濕嘢！至於同Edan嘅黑圖大戰，大表波以勝利者姿態宣布兒登慘敗，內情又究竟係點？大表波連日開生日會happy唔happy？
呢日見Jer有一身體部位突然變長，佢透露係因為拍新歌MV，笑問係咪要同Edan個長髮look鬥過？柳三歲霸氣話：「佢唔夠我長啦！大佬！」然後又同Jeremy以小學雞鬧交mode鬥長，真係畀佢哋笑死！
Winka台上表示想同「舞王Jer」嚟場跳舞battle，唔知好姊妹Marf、芯駖又睇好邊位勝出？被3位師兄大爆COLLAR練舞係軍訓式好harsh，實情又係點？遲吓綵排嗰陣，Marf係咪會大騷沖橙啡絕技？另外，日前「篤波天后」芯駖大戰Edan，芯駖笑話一開始有被Edan嘅準備功夫震懾，但一切原來只係有姿勢⋯ 芯駖更公開向「黑氣石」Edan追債$500？快啲去睇足本訪問片啦！
