【Viu】港台型男Tyson Yoshi同林柏宏今日喺尖沙咀出席品牌活動，同場仲有女神Marf同Cecilia蔡思韵，超吸睛呀！講到Tyson最近po箍牙相，引嚟網友露骨留言：「想塞條x周落去！」TY爆笑回應話：「我平時打對波出嚟都冇事！」估唔到「出口」反而令人有幻想，好彩由細到大都有「同性緣」，見慣大場面！佢又話依家要趁每日可以除牙套嘅兩個鐘食6餐，咦？咁同Christy錫錫又點算呢？Tyson又暴走喇，會唔會太True呢？
問到有冇請教「Threads大師」林家謙點部署？Tyson沾沾話自己先係「Threads大師」，皆因SLDPK係自己首創，家謙只係執佢口水尾！
至於林柏宏就話想同Ceci合作拍戲，最想演殺手，又指事前完全唔知好拍檔許光漢要入伍當兵，但笑言唔會趁機搶佔男神寶座，期待光漢順利退伍。
此外，Marf就話男友Locker冇買包包畀自己；Ceci亦控訴男友劉俊謙唔識做。想知就loop爆足本訪問啦！
