【viu】台灣女星隋棠久未喺香港露面，呢次快閃兩日出席品牌活動，今晚就飛返台灣開工，佢搞笑話要好好享受冇小朋友喺身邊嘅自由空氣！隋棠透露嚟緊會挑戰做打女，依家進行緊魔鬼式特訓，身上少不了有瘀傷！佢再劇透角色成日都會成身「血」，笑話有日拍完冇沖涼就直奔屋企，嚇到囡囡匿埋喊！
講到昔日曾有對手戲嘅宥勝涉強吻、性騷擾女員工，被判刑8個月，以及對賀軍翔涉對酒店公關不禮貌，而被以「妨害性自主」提告，隋棠一律表示不回應。
同場泰國影帝Tor chok爆現身，佢指之前都有嚟過香港玩，更曾為泰國電視劇嚟香港取景！嚟緊Tor將首次挑戰拍BL劇，佢話冇壓力，希望可以盡吸fans，特別係香港嘅fans！Tor最近多咗「最專情男人」美譽，惟當問到佢對此感受，佢突然變嚴肅指雖然好多謝fans嘅讚賞，但希望fans主力focus喺工作上，而唔係喺relationship上，又講到未來事冇人知，講到咁⋯莫非戀情生變？
