【viu】Stephy鄧麗欣、Anjaylia陳嘉寶、黃心美、Hailey陳俞希同強尼等今日出席《ViuTV 年中無休 2024節目發布會》，黃心美回巢主持《美麗四十路》，佢話當時正值爸爸過身，日日以淚洗面，收到工作邀約時一口答應，仲笑言差啲以為導演叫自己參選。佢坦言知道妹妹黃心穎做錯事，但希望大家都可以move on，所以唔擔心復出主持會惹負評，Hailey即刻話要做好姊妹嘅最強後盾。講到舊愛馬桂烽同kayan9896拍拖，心美大方送祝福，仲話自己目前嘅感情狀況係零！至於重返ViuTV最掛住邊位？相信有睇《全民造星》嘅觀眾都估到㗎喇，心美仲自爆今朝攬完某偶像添噃！
此外，Stephy同Anjay分別擔任《Hong Kong’s Got Talent》嘅評判同主持，兩位自認係美版忠實Fans，最怕到時哭崩錄影廠咁話！
