【viu】Phoebus吳啟洋同Sica何洛瑤今日喺葵芳出席活動，P1X3L首個演唱會仲有唔夠一星期就舉行，Phoebus叫大家可以「期待」一下，期待啲乜？除咗唱歌跳舞，梗係副body啦！Phoebus透露一個月前已經開始積極增肥操肌，雖然未及Marco咁fit，但睇佢個樣就好有信心嘞。不過，Sica就話最想睇George「心靈除衫」，仲幫P1X3L set咗個「價目表」，尖叫、爆喊、失禁等等，價錢由50至5000元不等，務求要炒㷫個場！
剛踏入24歲嘅Sica就簡簡單單去咗個日本旅行慶祝，由於工作太忙，專登好認真寫咗封請假信畀經理人，咁有誠意，梗係放行啦！講到日本舞蹈天團Avantgardey將古天樂經典作《今期流行》重新編舞演繹，唔少網民即刻召喚Sica嚟個二次創作，原來Sica同《今期流行》都係2000年產物，仲有位跳舞強勁嘅天團成員邀請合作，Sica即場跳番part竟變咗「求婚舞」，搞到「被求婚」嘅Phoebus都有啲尷尬，快啲loop爆條片!
