【viu】Linda鍾嘉欣今日喺圓方出席美容代言活動，返港逗留個幾星期，努力搵奶粉錢，仲抽時間欣賞舊愛伍允龍有份演出新戲《九龍城寨之圍城》。Linda大讚戲中每位演員都好出色，趁機自薦拍續集，講到伍允龍飾演王九角色場場捱打，Linda無肉赤，反而替對方高興，「我知呢個係佢夢想，想拍多啲唔同動作片。」對於伍允龍曾被嘲Nobody，如今係咪有吐氣揚眉感覺？Linda話：「佢一直有佢嘅價值，努力係會有成果。」Linda仲期待佢哋未來嘅十年都會好精彩！
不過，伍允龍到依家仍然係單身，Linda都力推對方係「好男仔」、「筍盤」，叫各位女士們留意下，真係再見亦是朋友，讚呀！
Linda如今家庭生活美滿，自爆早前去馬爾代夫旅行後，被人誤會懷有第4胎，喺佢老公Jeremy診所同老公講「恭喜」，笑cry呀！咁Linda有冇計劃再生BB呢? 8月廣州騷嘅籌備情況係點？佢仲分享剛踏入4字頭年紀，心態轉變，咁豐富嘅訪問，記得loop爆條片！
