【viu】Cecilia蔡思韵、Alex林德信、Elva倪晨曦、台星隋棠、泰星Tor齊齊出event，個個都model身材勁fit！講到電影《九龍城寨之圍城》登華語電影總票房第2位，Cecilia指有信心登頂做No.1！電影早前宣布開拍前傳同後續兩套，Cecilia有機喺前傳部分同「老公」郭富城談情？佢心急話仲未收到消息，希望可以參演，更自稱好打得，可以做打女咁話！不過佢笑話唔想再摑古天樂，打完嗰巴之後淆晒底，承受唔住古天樂讚佢係戲中「最打得」嘅美譽！
談及男友劉俊謙人氣急升，更做埋「國民老公」，Cecilia表示好戥對方開心，又以「大婆」身份抵死笑話唔介意「一夫多妻」，心臟夠強大咁話，只希望各位「劉太」唔好咁快「改嫁」！而劉俊謙為小S節目擔任嘉賓自稱「單身」，又攬晒頸合照，Cecilia話呢件事好刺激，唔知佢有冇準備好玻璃碎？
啱啱榮升爸爸嘅Alex，全程受訪都笑到四萬咁口，指仲未慣呢個新身份！B囡Bille依家兩個月大，Alex笑話頭一個月屋企似打仗，依家就開始上手，更自稱係「神隊友」，主力負責開夜間！
講到囡囡個中文名「林明」係爸爸林子祥改嘅，Alex透露背後有段小故事！佢又指四大長老依家成日上嚟屋企探B、湊B，見到佢哋開心個樣都覺得好幸福！最近Alex籌備緊新歌，佢話創作嗰陣有畀囡囡聽，囡囡聽到特別有反應！而唔知Alex係咪做咗爸爸之後大膽咗，客串Viu Original本地原創劇《同居少女諸事卜》，同kayan9896有段激情纏綿戲，Alex緊唔緊張？有咩感受？去片聽Alex點講！
