【Viu】Alfred許廷鏗一連兩場嘅九展跨年騷順利開唱，倒數一刻佢唱唱吓《停半分鐘聽一闋歌》突然sharp cut 6秒同全場fans倒數，實行唱住歡迎2023！
首次搞跨年騷嘅Alfred話既興奮又緊張，問到得番6秒係咪有少少失預算？佢笑話唔緊要：「剎那光輝都幾好！」又謂自資開騷真係唔容易，但好值得，已經冇諗回本問題，之後會再出演唱會DVD做紀念，亦希望2023可以再開騷，自爆一直有入紙申請紅館檔期，想向「歌神」Eason學習。
尾場繼續有藍奕邦、鄧小巧、吳林峰、WinWin同CK做嘉賓，Alfred話一見到小巧就忍唔住哽咽，講到小巧飛甩加拿大籍老公陪佢，Alfred得戚笑話：「我覺得值得嘅，因為我識佢先！」而喺今次演唱會Alfred初嘗跳唱滋味，佢承諾之後會做多幾首快歌，原因係⋯想挑戰MIRROR？要喺Anson Lo手上搶番Joyce？good luck呀Alfred！
