【Viu】THE NEXT 20 張敬軒演唱會來到第八、九場，軒公呢兩晚請嚟Phil 林奕匡、葉巧琳 Mischa、Alfred 許廷鏗擔任嘉賓！除咗合唱軒公嘅經典歌曲之外，觀眾最期待嘅當然係嘉賓送禮環節啦！好好先生Phil 就整咗一個咖啡 menu，俾軒公等佢可以教「遮遮」點樣沖咖啡！Mischa就連媽媽嘅家傳之寶，腌製咗廿年嘅咸柑桔都捧埋嚟紅館，軒公見到都話飲完開多200場都冇問題，仲話下次要上Mischa屋企食飯親自多謝「百有」！而噚晚，軒公再次收到Alfred送上嘅紙製品，就係佢賣斷市嘅黑膠大碟，而且仲係原版第一張印刷品，睇在份禮物咁有意義嘅份上，希望軒公唔好介意啦！
