【Viu】Eason陳奕迅嘅紅館演唱會《Fear and Dreams》噚日平安夜迎接第12場演出，同時亦係佢第100場紅館演唱會。Eason喺台上一公佈當晚係佢第100場紅館騷，台下fans即刻瘋狂歡呼嗌爆紅館啊！Eason跟住話：「其實我冇理，既然第100 場！我哋一齊慶祝喇！比啲掌聲你哋自己！好似網球員咁，第一百場咁...結果輸左咁點？哈哈哈....都係照慶祝囉，冇咩所謂，音樂重好，音樂係冇輸贏...」佢亦多謝fans陪佢度過呢一晚：「希望大家有不如意，有害怕，今晚有一些好的能量，你地可以吸到返去。Merry Christmas！我會繼續做好本份唱好歌。」
Eason喺Enocre環節仲清唱德文版聖誕歌同《瑪利奧派對》後，FANS依然狂嗌encore兼揼地接近15分鐘，最終打動Eason再唱多首《明年今日》，上台後Eason講笑話fans賴皮：「我想話你聽，係今晚係例外，我聽日衫都唔換，截架的士即走！乜都聽唔到！哈哈哈.....你地真係好嘢呀你！竟然九成人係到！」
