【Viu】林家謙《SUMMER BLUES》演唱會嚟到第二場，噚晚家謙仲請到自細偶像陳奕迅任嘉賓，Eason一出場，啲尖叫聲即刻炸爆紅館，Eason仲話自己特登戴副眼鏡，打扮成「陳家謙」上台，認真唔話得啊！同偶像合唱完《致明日的舞》，家謙事後話自己因為太緊張而失準，Eason即刻鼓勵家謙，話佢第一次做已經做得好好，之後仲會越嚟越好添！Eason仲鬼馬咁扮倒帶行返原位，同家謙再合唱一次，之後Eason更唱出《今日》送俾家謙，家謙即刻變身小粉絲，坐喺紅館台上聽偶像唱歌！而呢晚嘉賓仲有C AllStar同林欣彤，On仔話唔知點解家謙俾佢一種好需要人保護嘅感覺，所以上到台好自然就拖住咗家謙隻手，真係笑死！
另外今日(21號)，家謙喺社交平台宣布好消息，演唱會再加開8月27號一場，之前搶唔到飛嘅fans要把握機會啦！
