【Viu】 噚晚Eason陳奕迅演唱會嚟到第三場，當Eason唱到〈幸福摩天輪〉時，有接近舞台邊嘅觀眾把握機會，攞出CD俾Eason簽名，估唔到Eason竟然應承，仲好細心咁問fans叫咩名，雖然最尾個名寫錯咗，不過呢個經歷都夠佢幸福好幾晚啦！
唱畢完整四部曲後，Eason除低耳機，享受觀眾嘅歡呼聲，大讚一班歌迷嘅熱情：「今晚你哋都好正，我雖然聽唔到你哋啲聲，都見到大家眼神，重有嗰啲燈牌，你睇...成晚睇住『肥陳』兩個字，其實好掃興...哈哈....佢哋好特別，成日整燈牌都好特別，都幾十歲人，我都就嚟50啦，重有燈牌，I’m Still Hot！」
接近演唱會尾聲時，Eason一度感動到咽哽，不停回贈掌聲俾觀眾，畫面見佢咬唇忍喊，「我都講唔到我準備要講嘅嘢㗎喇....最想講係多謝你哋等咗咁耐，都等！好開心呢件事實現咗！完成咗三場！」
