【Viu】 Louise王丹妮今日為時裝品牌專門店擔任開幕嘉賓，自認係「鞋癡」嘅佢笑話收藏百幾對唔同類型嘅鞋，除咗工作需要之外，仲因為佢係大腳族，所以一遇啱碼數就會掃貨。講到佢同老公羅孝勇差唔多高，Louise話私下多着平底鞋，想要小鳥依人感覺。 而早前就首次以藝人身份出席fashion week，佢話咁耐冇出埠心情好開心，雖然全程忍手唔買嘢，但最後都有破戒「流血」！問到趁「0+3」一家去旅行？Louise話老公屋企人會喺澳洲返香港過聖誕，至於佢自己喺農曆新年有同子華神嘅作品《毒舌大狀》上映，所以都要忙宣傳，提到子華神對謝票活動情有獨鍾，宣傳《飯戲攻心》目標係謝票多過上映場次，Louise聽到笑話願意奉陪到底！
