【Viu】Anson Kong、吳千語、白只同陳欣妍等，噚晚出席《忽然心動》首映禮，AK咁耐冇公開活動，生粉當然要撐場啦，搞到老闆嚇一嚇之餘，仲好感動添呀！講到近期嘅港產片票房好勁，千語提議到達3000萬票房時，AK可以po泳褲相派福利，數口精嘅老闆當然唔會咁易落叠，猛話到時再考慮喎！
而千語就避談係咪公開同富三代施伯雄嘅戀情，但有好消息會通知大家，仲希望幾年內有好消息咁話！此外，白只同Shirley就有激烈愛情動作戲，好彩雙方都唔尷尬。講到沈震軒喺訪問自爆想同Shirley求婚，佢就希望有驚喜喇，但自己已經Ready結婚。
