【Viu】黃子華、王丹妮、廖子妤今日出席新片《毒舌大狀》開鏡拜神，對於導演話掛住子華鬧人嘅英姿，而專登搵佢演大狀，子華神否認鍾意鬧人，皆因喺《男親女愛》都係畀人鬧，又笑言今次除咗演大狀，仲有法官時期，笑言連「Miss Mo」都可以鬧呀！問佢會唔會搵「Miss Mo」鄭裕玲客串，子華神就話唔敢騷擾養尊處優嘅Do姐喇！
廖子妤同王丹妮都係子華神Fans，可以同偶像合作梗係心心眼啦，廖子妤仲有機會畀子華神教壞，教佢食煙呀，哎呀，今次真係「壞過子妤」喇！王丹妮開心再同《梅艷芳》班底合作，希望今次嘅演出能夠令大家耳目一新！
