【Viu】凌文龍、岑珈其、肥腸、蘇致豪、許賢同林家熙等，噚日出席電影《猛鬼3寶》首映禮，小龍話早排去釜山電影節時，可以同偶像宋康昊影合照，開心到喊，仲透過翻譯示愛！當珈其用「念念不忘，必有迴響」去形容《膠戰S3》同《IT狗2》嗰陣，二人都仲話想搵宋康昊客串，笑言吹大啲就可以夢想成真㗎喇！
講到Edan喺《季前賽》第二集使出「狗公腰」晒電臀，珈其笑言做男人一定有返咁上下腰力；肥腸仲爆笑話Edan出名鹹濕，下盤功夫一定勁，喂呀！咁True得唔得㗎？此外，豪哥直認同郭奕芯拍床戲好享受，許賢當時都有喺現場觀摩，仲睇到嘩嘩聲，豪哥咁好艷福，真係羨慕死人喇！
