【Viu】七仙羽、Locker林家熙、「肥腸」徐浩昌、鍾雪瑩、蘇皓兒同周祉君今日宣傳新片《猛鬼3寶》，Locker唔知係頂替Ian@MIRROR演出電影《拼命三郎》，只知道要努力操肌拍除衫戲，女友Kayan9896都好滿意佢嘅身形呀！
至於肥腸日前帶父母去《膠戰SSP》廣告牌打卡，加上有途人索合照，見到父母沾沾自喜，笑言可以畀少幾個月家用。
七師傅話今次動作戲連場，但唔恨拍親熱戲同咀戲，連「下世老公」張敬軒都唔得，事關自己同真老公都「唔搞咁多嘢」呀！七師傅又回應同知名練馬師嘅昔日情，原來有好多網友估中咗，但自己就唔開名喇！
