【Viu】「試當真」主腦游學修、蘇致豪同許賢今日出席銀行活動，首播佢哋首個銀行廣告，許賢仲自爆為咗正確發音，拍咗好多Takes。三子分享理財心得，但游學修就話同「世一女神」女友Jessica財政獨立，唔會叫佢幫手理財。阿修對戀情曝光好無奈，打完針第一次出街食飯就「中獎」，之後都想保持低調。不過，佢強調自己冇食言，之前話唔同女職員拍拖只係戲劇對白嚟咋！講到「試當真」嘅獨特賣飛機制成為DSE考題，阿修話好榮幸，好少見在生嘅人可以做考題，笑言同白居易齊名。
此外，講到全城撲MIRROR演唱會飛，曾經同鏡仔合作嘅MC $oHo & KidNey都不能倖免，但無能為力！
