【Viu】勁受歡迎嘅《膠戰》暫時仲未有開拍S3嘅眉目，因為Edan呂爵安、靚仔Jeffrey都一直忙緊拍戲同開劇，就嚟連飲水、去廁所都冇時間，又點會唧到個期埋位拍《膠戰S3》吖！不過六膠實在太多fans喇，為咗止住大家癮，今日先喺海洋公園拍個暑期特別版《膠戰 SSP》——《膠戰盛夏祭！爭奪高級浴衣大作戰！》先。Edan話岑珈其好好，明明畏高都陪大家玩過山車等機動遊戲，但玩完會休克，珈其話：「啲機動遊戲要140cm先玩到，但我得139，本來唔玩得，不過工作人員話我著埋鞋就啱啱好。」Edan補充話：「佢要做好榜樣俾囝囝知要克服困難。」珈其話要示範咩叫真男人咁話，因為佢每晚都同太太、囝囝同床瞓喎！
而阿正踢爆Hillary自從同洪卓立拍拖後都未見過人，Hillary解釋:「佢哋全部人都好忙之嘛！」咁佢哋忙咩？大家都衝住Mirror演唱會飛而嚟，Edan拍心口話五膠一定有飛嘅，然後肥腸、珈其即刻話要10張，Edan睇嚟要努力啲喇。
