【Viu】在《深宵閃避球》入面飾演劉Sir嘅鄭伊健，同9位女士包括周家怡、Gladys李靖筠、Dee姐陳海寧、Cloud雲浩影、鍾雪瑩、黃淑蔓、宋嘉儀、李玗蓁同埋王頤，幾乎拍親都係群戲，伊健有咁多位靚女相伴真係豔福無邊，而飾演社工「楊姑」嘅家怡都話對住一班妹妹，啲青春返曬嚟呀！粉青球隊喺拍攝前就先進行一個月嘅特訓，練傳波 腳法等等基本功，幾乎個個靚女都硬食過波餅，當中Dee姐個頭仲食到應一應，好彩佢已事前搲定整容錢，先放心拍落去咋。粉青閃避球隊齊上齊落，並排大嗌踏、轉、退、蹲嘅時候超熱血，而阿Cloud亦自爆一段有味道嘅經歷。喺劉Sir嘅帶領下呢班球員愈戰愈勇，伊健仲預告粉青遲啲會出埠打比賽添！
