【Viu】ViuTV原創劇《反起跑線聯盟》叫好叫座，周家怡今日同劇中兒子「Billy仔」徐立德齊齊出席活動吸金，Billy仔仲幫「媽咪」噴減壓香薰，難怪有句新潮語叫「乖過Billy」啦！家怡話平時會打坐減壓，早晚各一次，但礙於呢排疫情，冇同發哥跑山，只能各有各跑！
至於工作安排，家怡話將會拍電影，亦好希望再拍劇，最好《反》劇盡快開續集或電影版，不過Billy仔就話呢幾年都攰喇，唔想再拍劇，但如果同「媽咪」拍電影又有興趣試吓喎！家怡又問佢如果開續集，想揀「真爸爸」張建聲定「Uncle Charles」潘燦良，Billy仔就醒目喇，話唔識揀喎！
此外，Billy直認係「鏡粉」，最鍾意Anson Lo，家怡仲即刻問佢鍾唔鍾意Edan，喂呀，有私心喎！
