【Viu】雖然細貓應智越嘅新歌《Cut！》係講兵仔嘅故事，但查實佢從來冇做過兵㗎，不過並唔係因為多人追所以唔使苦苦單戀娘娘，而係因為佢以前係肥仔所以冇咩自信，連做兵都唔敢喎！認真咩？細貓仲分享咗自己嘅感情事，原來細貓同前度再見亦是朋友，大時大節都會send message祝福，同問候下對方㗎。
而講到嚟緊10月29號會喺麥花臣舉行首個演唱會，細貓都話好期待，事關因為疫情少咗好多機會喺觀眾面前表演，所以佢都好珍惜今次機會，希望做出一個令fans留下難忘回憶嘅演唱會，細貓仲話要搞喊人噃！至於會唔會派福利騷肌，細貓就講笑話睇完雷神fit到爆嘅身形之後，完全唔敢騷喎！不過自彈自唱同跳唱環節就肯定會有嘞，仲會嘗試將其他歌手嘅作品演繹出跳唱感覺添啊！
