【Viu】Peter陳湛文有份主演嘅《飯戲攻心》喺今個中秋檔上畫，陪大家人月兩團圓，佢喺戲中同家人齊齊整整食飯，但實情每次上飯枱都有一番暗鬥，講到有機會同子華神、張繼聰演三兄弟，Peter即刻變咗小fans呀！佢直言子華神同阿聰呢兩個男人喺我生命中佔有一席位，當然Peter亦有乘機偷吓師啦！Peter又話感受到戲中文三位女神啲威力，王菀之、鄧麗欣同埋林明禎都各有魅力。Peter十年前喺演藝學院畢業，之後一直從事舞台工作，近年先開始踏足電影圈，佢仲提到第一套拍嘅就係三級片《三夫》，當時激到近乎全裸上陣，唔知佢而家嘅低線又去到邊呢？
