【Viu】內地頂流男星李易峰，噚日經內地官媒證實因嫖娼被行政拘留15日！性醜聞曝光後，令佢嘅男神形象瞬間崩潰！其實李易峰原定喺9月10號出席央視嘅中秋晚會，但係表演環節喺當日被臨時抽起，當時網上已經有消息話佢因為嫖娼出咗事，不過李易峰工作室不單止發聲明闢謠，仲話要告網友誹謗！而李易峰都喺微轉發長文賣慘，話自己深受謠言所困！點知隔咗冇耐，聲明長文被微博後台下架，官媒隨即報導李易峰已經坦承多次嫖娼嘅事實！
李易峰出事之後一沉百踩，由佢出任代言人嘅多個品牌都即刻發聲明同佢終止合作，華鼎獎亦宣布取消佢嘅「中國最佳男主角」稱號！李易峰嘅疑似砲友，內地網紅灣灣嘅微博小號就繼續爆料。而另一位內地網紅「羅百萬」都加入爆料李易峰嘅性癖，話佢同女仔上床都有偶包要戴住副黑超！咁都未完啊，噚晚仲有一條疑似李易峰嘅2分鐘性愛片流出，不過呢啲都係網上傳聞未經證實嘅！
