【Viu】現年35歲嘅內地一線男星李易峰因嫖娼被行政拘留15日，性醜聞令佢成為劣跡藝人，演藝事業一夕全毀，呢幾日亦陸續有人爆佢啲黑歷史。繼之前網紅灣灣自稱同李易峰，去過海南島玩之後，網紅郭子瑜亦自稱曾經同李易峰拍拖三年，佢指證李易峰確實曾經嫖娼。另外有網民爆料，話李易峰嫖娼早有前科，今次被捕已經係第3次㗎啦！佢除咗會玩選妃、多人運動之外 ，甚至同未成年少女發生性行為。平時歎慣世界嘅李易峰，而家要受牢獄之苦，有位自稱過來人既網友分享自己因嫖娼被行政拘留嘅經歷，嗰個網民話入獄時會獲派發三樣好重要嘅嘢。曾經係頂流嘅男神如今成為階下囚，唔知李易峰適唔適應到呢？
