【Viu】Jason陳柏宇推出最新派台歌《命盡頭》，新歌MV今日都出爐喇！佢請到梁仲恆同埋傷青輪椅籃球隊同埋協同中學男子籃球隊參與演出，MV
講述男主角梁仲恆喺絕望盡處，因為運動再燃起昔日嘅鬥志，藉著帶出只要相信人類意志，懷住正念堅強地繼續行落去，最終都可將命運改寫。
Jason今次以「地獄論」講到好多人面對困境時會鑽牛角尖，「人生有大把路行，唔可以Over咗，話每次都係地獄，實情係你未經歷過，但如果走唔返出嚟，嗰個就係你地獄。」原來Jason都有幻想過有咩經歷會令自己好似去到地獄咁，佢第一次時間就諗起阿女Abigail喇，「例如我死咗個女，嗰個就係我地獄，但我好理智，我幻想會俾自己沉淪個零月，嗰個月可能會劈酒，但最終會接受到。」
