【viu】Liza姐汪明荃、謝君豪、Ben sir歐陽偉豪、蘇玉華、向海嵐等，噚晚齊撐本地長壽音樂劇《我們的青春日誌》。音樂劇由年僅24歲嘅陳恩碩一手包辦編劇、作曲、填詞、導演、監製，堅係多才多藝。Liza姐一嚟到就孖住陳恩碩做訪問，佢話要俾多啲機會年輕人。日前啱啱踏入75歲嘅Liza姐，生日當晚就同家英哥仲有個朋友一齊食上海菜，問家英哥有冇送花俾佢？Liza姐話：「冇呀，紥花係朋友送嘅！我梗係想佢送花啦，係女仔都鍾意收花。」家英哥你收到未呀？講到日前Liza姐請屋企狗仔食蛋糕，俾網民批評，Liza姐話冇理會網民講咩，佢只係俾狗仔舔咗一下，覺得冇乜大件事。
而謝君豪雖然忙緊籌備12月嘅舞台劇《天下第一樓》，但佢依然抽時間支持本地年輕人嘅創作，佢話好難得個劇已經先後演出咗好多場，口碑依然係咁好。而回復自由身嘅Ben sir就話導演已預留角色俾佢，下次會加入喎！是咪堅㗎？
