【Viu】Jason陳柏宇噚日喺IG舉行第5場《有我 IG Mini Live》演出，超過2千網民捧場，當中更包括許廷鏗同奧運金牌得主張家朗，Jason知道後，仲好驚喜添！！目前身處法國受訓嘅張家朗同其他網民一樣，都有留言點歌，先後點唱咗《尊嚴》、《別來無恙》同《車匙》，Jason當然冇托手踭，即刻唱咗首《尊嚴》！不過Jason就講笑話，《車匙》因為喺早前其他場次已經唱過，所以就唔重複喇，仲叫張家朗可以重溫返之前嘅Live！而呢晚Jason亦演繹咗今年逝世19周年，「哥哥」張國榮嘅經典作品！而且Jason見到大家不斷洗版，要求佢唱《E先生連環不幸事件》，佢都一於滿足大家嘅願望！
