【viu】Eric Kwok郭偉亮同「師兄」劉浩龍一向都係poker嘅愛好者，鍾意嘅程度仲聯同谷德召開咗條poker channel，邀請唔同星級朋友切磋牌技。而噚晚佢哋就出席poker NFT嘅發佈會，宣布自家channel會同亞洲撲克學院（APA）合作，推出教學影片用作推廣，「金牌經理人」Paco黃柏高就以VIP會員身份現身。
佢哋話好想舉辦poker比賽，但一切都要從長計議，同埋要考慮到資金。至於參加大賽，佢哋笑指上年都有代表香港出戰Match Poker Asian Nations Cup，結果攞到「梗頸四」，所以今年決心再參賽望衝好成績！捲土重來又點止參加比賽，佢哋條poker channel事隔一年終於開拍第二季，第一集預告就請嚟老友側田坐鎮！另外，師兄最近新成立咗工作室，個名「生意兄龍」仲係由Eric Kwok幫手改，坦言有意簽藝人添！
