【Viu】Jolie陳逸璇噚日為最新翻唱碟《PRESENT》舉行祝捷會，慶祝新碟一出就衝上唱片銷量No.1、上隻碟《TASTING》奪金唱片佳績以及下星期823生日，數數手指係三喜臨門呀！Jolie嘅家人、朋友、同門師弟妹Phoebus、陳葦璇同Dez都有現身祝賀，非常墟冚！
受訪嗰陣Jolie指再次同金牌唱片監製葉廣權好開心，當送畀自己一份最好嘅生日禮物，笑問生日有冇男士約會？佢大笑話冇，但好想，正日應該會同家人食生日飯慶祝。講番新碟，Jolie希望再有好成績嚟答謝公司嘅支持，不過都唔會畀自己太大壓力，因為人生有一次金唱片成績已經好榮幸。
Dez喺台上自薦寫歌畀Jolie，即被葦璇順道邀歌，場面爆笑！而講到《全民造星V》就快舉行招募，身為師兄、姐嘅Phoebus同葦璇隔空向有興趣參加嘅仔仔呼籲同畀tips，快啲睇片啦！
