【viu】陳葦璇加盟新唱片公司後，推出新歌《一個傻瓜一個啞》，今次唔單止係葦璇7年嚟第一次推出情歌，喺MV入面仲獻出咗自己嘅螢幕初吻添，不過佢就話拍攝嗰陣完全唔尷尬，反而身邊嘅同事反面仲擔心過佢，葦璇仲自爆冇同男友報定案，唔知對方睇到MV之後會有咩反應，但就大讚男友好尊重自己嘅工作，不論咩情況佢都會接受！真係滿分啊！而今次新歌，葦璇都投放唔少個人情感落去，原來葦璇以前都係凡事死忍嘅女朋友，不過而家人大咗，就學識同伴侶要多溝通，感情先會長久落去！
另外，葦璇仲分享工作目標，希望之後不斷推出新歌，直至歌單可以舉行一個大型演唱會，仲話到時唔單止會邀請昔日戰友As one其他成員做嘉賓，仲要搵埋Tania囡囡上台一齊合體跳《Candy Ball》喎！係咪勁期待呢？最後葦璇好似仲有啲愛情Tips想分享俾大家，想知係咩Tips？記得睇片啦！
