【Viu】Vincy泳兒今日現身新城宣傳新歌《18部半》兼10月2日嘅九展演唱會，興奮話3年以嚟都未開過騷，同時又可以再喺老地方會fans，心情寧舍開心！講到Vincy最近呢幾次開騷都揀正喺生日月，係咪當生日禮物送畀自己？佢大笑話今次係撞正髮型師男朋友Ziv嘅正日，即刻變咗雙方嘅禮物，笑問到時會唔會喺台上送surprise？Vincy搞笑話好忙唔得閒搞，所以一早同男朋友講定之後再補祝。
演唱會暫定一場，問到有冇機會加場？佢話先試一場，貴精不貴多，又呼籲朋友要用行動支持自己，唔好淨係問佢拎飛睇騷，唔怕爭落一身飛債咁話！最後Vincy預告呢次開騷會跳舞，雖然自嘲係金魚記憶，但都會盡力準備。
