【Viu】電影《七人樂隊》噚晚舉行星光場，有份演出由杜琪峯執導單元《遍地黃金》嘅肥腸，諗番起首日開工就畀杜sir照肺仍心有餘悸！有傳ViuTV原創劇《I SWIM》開拍電影版，Hillary睇好肥腸自薦參演，皆因佢相信每個肥仔都係潛力股，至於佢亦唔怕着泳衣演出！
是晚另一套原創劇《男排女將》嘅「家瑜」Stephy鄧麗欣就同「King」Zeno顧定軒相遇Re-U，一嚟Stephy就突擊考問Zeno有冇練波！講到今年Zeno加入樂壇做新人，會唔會想同Stephy合作？Zeno竟然縮沙：「家瑜啲合唱歌太經典啦！」Stephy即刻搞笑搶話：「講呢啲嘢！」另外，早前網傳死訊嘅林愷鈴現身破傳聞，指睇到報導只係得啖笑，但都怕令屋企人、朋友擔心。
