【Viu】肥腸徐浩昌因為《膠戰》彈起，多咗唔少工作機會，而認識到5膠，相信亦係佢拍《膠戰》嘅另一收穫，講返起對大家嘅第一印象，阿正居然令肥腸好有壓力噃，事關佢曾經聽過身邊人大讚阿正有料啊！而第一次認識Edan，就係合作拍《黑市》嗰陣，肥腸亦大讚Edan喺MIRROR紅咗之後，仍然保持初心！佢仲爆料原來5膠早就知道Hillary同洪卓立嘅戀情，Hillary仲好願意同佢哋分享呢份甜蜜嘅喜悅添！6膠呢份友情真係羨慕死人啊！肥腸仲話6膠時不時就會上對方屋企gathering，好似Hillary、珈其同阿正嘅屋企佢哋都去過，肥腸仲自爆喺阿正屋企發生嘅瘀事，兼幫口澄清阿正屋企有異味件事添！
另外，肥腸亦即席模仿5膠添，真係入型入格㗎！想知有幾似？即刻睇片啦！
