【Viu】Stephanie鄭融將於7月16日喺麥花臣場館舉行《TRUTH AND DARE 鄭融演唱會 2022》，佢相隔9年再開演唱會，表現得非常興奮，同時又希望透過歌曲為樂迷打氣。Stephanie出道時被稱為「小辣椒」，雖然近年唱多咗抒情歌，但佢話自己其實係流住唱跳嘅血，今次個騷當然唔少得呢個環節，更會將經典歌《紅花會》重新編曲，Fans們拭目以待啦！
Stephanie近年被網民封為「教育系Diva」，舊年憑治療系歌曲《多喝⽔》橫掃樂壇頒獎禮多個獎項，不過比起獎項，Stephanie話較鍾意睇Fans嘅留言，見到真摯嘅文字，總會令佢覺得好warm好感動。喺圈中難免會遇到挫折、低潮，出道近二十年，除咗聽歌，同好姊妹傾訴外，Stephanie仲大爆自己特別嘅減壓方法呀！
