【Viu】劉雅麗（Alice）、袁富華與楊詩敏（蝦頭）今日出席港台嘅演藝培訓節目《新時代奮鬥者》擔任評判，為25位參賽者做中期評核試，鍾慧冰個女林靜莉亦係參賽者之一。Alice嘅爸爸劉山本今年3月離世後，四房家族爆出風波，劉雅麗同媽媽被指辦喪事時冇夾錢及私吞帛金，同時令佢嘅身世再度曝光，Alice就話自己行得正企得正，唔介意人哋點講，反而唔好意思拖埋劉德華落水！本身原意只係想多謝華仔多年嚟嘅幫忙，但結果反而被人誤會佢想借華仔上位，令佢都覺得好無奈啊！而呢日同樣擔任評判嘅蝦頭，就大讚一班參賽者高質，仲寄語佢哋應該以MIRROR同COLLAR為指標，但千祈唔好做Copycat，應該要多發掘自己獨特嘅一面啊！
