【Viu】Ian今日出席信用卡代言活動，自爆有開張附屬卡畀媽咪，咁女朋友Amy呢？佢怕醜話成年人各有自己張信用卡嘅。講到Amy上次出嚟話諗緊點同佢慶祝生日，Ian話一切從簡就得，生日願望係世界和平，孝心至上嘅佢表示由細到大都會同屋企人慶祝，因為係紀念媽咪好辛苦咁生佢出嚟，會唔會叫埋Amy先？Ian即刻公開邀請，sweet到爆呀！佢亦睇到fans為咗同佢慶生而去沙灘執垃圾，話要高度讚揚！
最近睇Ian個ig真係funny咗好多，前日又扮星爺向佢致敬，佢話希望跳脫啲大家又睇得開心啲！處男紅館騷舉行在即，Ian透露密鑼緊鼓籌備當中，提起有騙徒偽造演唱會飛騙財，佢話有留意到，並呼籲fans要從正式嘅途徑購票。另外，隊友Frankie近日宣布同拍拖14年嘅女友分手，Ian自稱一直以嚟都係扮演「樹窿」、聆聽者嘅角色，需要佢嘅話隨時都喺度！
