【Viu】 MC張天賦最近推出嘅新歌《小心地滑》難度超高，大家都公認佢唱功了得，不過MC今日接受商台訪問時就話自己嘅唱功並唔天生，而係靠後天努力練返嚟，佢仲提到3年前病逝嘅爸爸係唯一支持佢追夢做歌手嘅家人，而爸爸唔能夠睇到佢喺造星舞台贏到亞軍，亦係MC人生一大遺憾。
不過人紅自然是非多，一舉一動都成為網民嘅焦點，MC先後爆出同兩位MV女主角行超市嘅緋聞，MC就話雖然之前已經有心理準備接受呢啲壓力，但唔明點解一張相會聯想到一個咁大嘅故仔，同兩位女主角只係普通朋友，對於呢啲緋聞其實佢係覺得幾唔舒服，不過都明白而家自己係公眾人物，外界呢啲聲音係避免唔到，不過自己就會避忌啲！而講到感情方面，MC就話自己係單身，不過想拍拖，仲話而家擇偶條件多咗一項，就係希望女方比較得體嘞！
