【Viu】 由魯庭暉主理新公司MakerVille今日舉行發佈會，簡介新公司致力發展內容創作、藝人管理同活動業務三方面。除咗MIRROR、ERROR、COLLAR同P1X3L嘅精彩演出外，著名導演兼監製杜峯琪、游乃海、朱淑儀、鄭保瑞同袁劍偉等上台分享，當谷德昭問杜Sir關於MIRROR現象時，佢金句話覺得MIRROR無處不再，已經有啲討厭，不如講吓新啲嘅COLLAR，果然有前瞻性！
MIRROR大呻周身飛債，朋友落飛時好狼死，又相信5月成立官方FC後，唔會同現有FC有衝突，仲大談《季前賽》同《i.Swim》嘅趣聞。另外經同曾江合作拍廣告嘅Stanley，都有回應前輩死訊。此外，影后毛舜筠同導演彭秀慧都想同MakerVille合作，雖然佢哋曾經同鏡仔合作，但都大呻未知自己有冇飛睇MIRROR演唱會呀！
