【Viu】MIRROR 12位成員為代言嘅手機品牌，拍攝廣告片終於出爐喇！今次除咗宣布推出印有成員簽名嘅專屬手機殼之外，12位鏡仔有啲仲喺床上chok住錄製來電短片，一路睇住條片一路幻想自己同鏡仔一齊煲電話粥，真係諗起都覺得好好J啊！而且每位鏡仔嘅來電視頻都有唔同style，好似屬於性感派嘅姜濤，就講電話講到又伸脷，又有嘴唇close up，想搞到班姜糖心臟病發咩！而教主Anson Lo就行可愛活潑路線，一開始就對住個電話cute爆say hi，真係睇到心心眼啊！Edan今次就以眼鏡斯文look上陣，正經上嚟又真係charm喎！Ian接起電話露出溫柔又邪魅嘅一笑，真係犯晒規啊！老闆AK使出嗰對十萬伏特嘅電眼，點招架得住啊！阿Jer就不斷喺張床度典嚟典去，好有幻想空間啊！Jeremy張自拍照好想擁有啊！Lokman呢個唔接電話嘅bad boy，一定要call爆佢機啊！皮皮Frankie喺被竇入面個樣，真係好cute cute啊！試問有邊個唔想同Alton一路傾住電話進入美夢㗎？不過同時可以同老虎仔Tiger一齊互send message都唔錯！當然唔少得匿埋喺被竇同Stanley傾密偈啦！總之12人12色，每一條來電短片都值得瘋狂喪J啊！
