【Viu】Joyce呢兩年奉行生酮飲食，雖然成功令身材Fit咗，但就有人質疑佢講一套做一套，把口話唔介意肥瘦，實質就搏命減磅！所以Joyce上節目《爆谷一周》時，都有解釋佢減肥嘅真正原因，係為咗可以買衫方便啲，唔使次次上台表演都要網購平價加大碼時裝！不過瘦咗又靚咗嘅Joyce，最近桃花都旺咗，除咗有圈外緋聞男友Derek，仲有圈內老公Anson Lo！嗱～講明先，係Anson Lo flirt佢先㗎！而且Joyce一提到MIRROR就鬼死咁興奮，本來主持人谷德昭叫佢揀三位鏡仔合作，點知愈揀愈多，最後索性成隊要晒！果然選擇呢啲嘢只有小朋友先會做，姐姐梗係全部要晒啦！
