【Viu】噚日(4號)兒童節，姜濤雖遲但到，帶住兄弟嘅合照湊熱鬧，佢Post咗《全民造星》初期嘅靚仔相，仲有同其他鏡仔嘅合照添，大家都好「嫩口」啊！而大表哥就慘被姜濤 Post出黑圖，搞到佢都懷疑人生，留言問姜濤：「弟，你為什麼出賣我呢？你這樣對你的哥。」，之後大表哥都有回禮，不過就係Post咗張大表姜戴黑超嘅陳年合照，轉頭仲喺Story上載咗將姜濤將口罩當眼罩嘅瞓覺相，勁搞笑！而Dee哥都被公開多張黑圖，Dee哥留言話：「老姜揀相有一手……八架也嚕！！！」，其實公開陳年舊相都係希望大家苦中一點啫，姜濤仲話知道姜糖開始集資應援，佢好感激，但希望大家將應援集資用嚟幫助身邊更多有需要嘅人，傳遞愛心同力量咁話啊，真係好有善心！
其他鏡仔都有Post相應節㗎，AK細個塊面漲卜卜勁得意，Edan上載童年照同時都不忘繼續出賣細妹，Jeremy就Post咗張表情勁Cute嘅相，而教主雖然唔係分享細個嘅相，但就用咗個童真笑容，祝大家兒童節快樂啊！
瀏覽 Viu網頁觀看影片
