【Viu】Stanley、Jeremy呢對巨龍與豬仔噚晚合體上《今日疫情》，由於有唔少鏡粉都係學生，疫情下停課兼提早放暑假，所以佢哋都特登為學生們打氣，希望佢哋繼續努力，唔開心嘅話就睇吓MIRROR嘅作品，令自己開心返，大表哥仲特別提起Edan出咗新作品《Elevator》添，勁有團愛！而講到巨龍與豬仔個Channel對上一次更新已經係3個星期前，Jeremy就講笑話可能要等大表哥拍完劇先喎，大表哥就話其實本身有計劃拍露營片，但最終逼於無奈要推遲，而家唯有拍多啲工作上嘅Vlog俾大家睇先，Jeremy都希望遲啲疫情緩和，可以繼續同大表哥體驗唔同嘅職業，到時再拍片同大家分享啊！
