【Viu】ERROR成員阿Dee何啟華最近用咗Anson Kong同Alton首新歌《Rebound》，freestyle跳咗段舞，Alton大讚佢跳得好型，AK想學埋一份添呀，不過阿Dee就話要啜兩啖先，識得用AK嘅香吻做學費，阿Dee嘅生意頭腦唔錯啵！不過肥仔就話feel到阿Dee體力不繼，當然係講笑啦！條片嘅Like數過咗3萬，阿Dee公開埋完整版，係咪睇得好過癮呢？ 另外保錡最近同兩位E-Kids成員林詠倫、郁禮賢仲有龍志權翻唱《開始戀愛》，而193就忙住打點自己間cafe，佢事事親力親為，仲親自落場招呼客人添呀！
