【Viu】成日聽到有人話偶像係Fans嘅心靈支柱，但其實Fans都會帶到正能量俾偶像㗎！好似COLLAR成員Winka咁，早排收到Fans送嘅一本書，令佢喺思考上有唔少新啟發，所以Winka都特登開Live多謝返呢位Fans，仲同泳瓜分享書嘅內容添！而早排上ViuTV節目《爆谷一周》，主持谷德昭話覺得COLLAR成團後，每位成員嘅性格、特質好似變得有啲模糊，呢句說話亦令Winka有反思，好多謝谷德昭提醒咗佢，其實專注團嘅發展之外，亦可以繼續令自己嘅優點更加耀眼，好似唱歌咁，Winka都覺得自己其實可以更加有自信去唱，佢仲話今個月係心靈成長期，諗通咗好多嘢，好似積咗喺肚入面好耐嘅便便，去完廁所即刻通晒咁啊！睇嚟Winka真係諗得「好通」噃！
