【Viu】由美國網站TC Candler舉辦嘅「全球百大俊男2022」選舉，最近掀起唔少話題！除咗天團MIRROR嘅12位成員，全部入圍候選名單之外，ERROR四子都有份衝出國際！點知連著名填詞人黃偉文都入咗，不過Wyman就話自己知自己事，覺得似係俾人惡作劇多啲，所以發表《退選宣言》！其實DJ當奴早排已經惡搞自己，話入圍咗「百大醜男」，成個選舉變咗笑料！呢晚小薯茄兩位成員程人富同阿冰開Live，都有Fans問富哥想唔想入圍「百大俊男」！佢就話自己太高質，已經唔需要參加，仲叫大家千祈唔好為佢嘥錢，不過阿冰就反而佢如果真係入圍，分分鐘推垮人哋個體制啊！
