【Viu】噚晚播出嘅ViuTV節目《爆谷一周》邀請咗COLLAR同經理人阿Wing擔任嘉賓，阿Wing接受谷德昭訪問嗰陣，爆Ivy係最後一位入COLLAR嘅成員，佢都花咗唔少力氣去說服大家同意Ivy入團，事關佢覺得女團係需要一位有親和力嘅成員。阿Wing仲就話COLLAR嘅演唱會會延遲到年尾舉行，希望到時將COLLAR一年嘅成長展示俾大家睇。
阿Wing事前亦就住8位成員喺「主動性」、「自我紀律」同埋「團隊合作」三方面嘅表現去評分，Marf自我紀律分數最低，只係得5分，阿Wing希望Marf可以改善遲到問題，而Day就被公開點名要減肥嘞！之後COLLAR都禮尚往來，回返張成績禮表俾阿Wing，總分居然要成54000分，睇嚟COLLAR好愛阿Wing噃！
