【Viu】救命呀！估唔到ERROR喺完成節目巡禮後，做訪問依然有心有力，佢哋笑言今次團綜《ERROR死腳膠千萬巨蛋自作夢》以「死腳膠」名義，喺日本威到盡，唔止上咗當地電視台同報紙雜誌，連Dee哥嘅美貌都終於得到世人認可，姜Admin都認證呀，搞到Dee哥好沾沾！
講到片花中四子指呢次團綜係以音樂出發，唔再玩核突嘢喎，更揚言要進攻東京巨蛋，不過喺過程中都不忘團欺阿Dee，真係畀佢哋笑爆嘴！仲有全裸浸溫泉片段呢，身形同肥仔似足9成，保錡大師就金句百出，仲用西瓜去形容肥仔嘅籮柚，同房嘅兩位仲用對方嘅裸照互相威脅；加埋3爺煽風點火，場面又再失控喇！
此外，保錡首度公開回應同菊梓喬嘅緋聞；193亦大方回應返「法拉利事件」，坦承已經得到教訓喇！
