【Viu】「宇宙天團」ERROR早排推出新歌《無敵聖衣》，熱血歌詞鼓勵大家唔好怕失敗，齊齊打大佬！ERROR分享入行以嚟打過嘅大佬，原來要贏人先要贏自己。Dee哥親解MV點解加插「濟典娜」一角；保錡就自稱係最佳「偵察兵」；193就追問點解要做「豬隊友」，講講吓又開始失控，爆笑肥仔嘅「蘑菇獸」變金菇，救命呀！
不過，癲處未算癲，講起即將出發嘅團綜，ERROR又嚟料喇！先攻擊「磨轆西瓜」嘅前列腺，繼而爆肥仔用「天山雪蓮」磨保錡嘅「蜜桃」，到底小編聽咗啲乜呀？
喺娛樂圈經歷6年磨鍊，ERROR嘅「紙皮衫」已經鍊成「無敵聖衣」，如果要四子為隊友度身訂造一件「無敵聖衣」，又會幾咁匠心獨運呢？
正所謂：「有ERROR就有歡樂！」為咗回饋ERROR一直以嚟帶畀大家嘅歡樂，小編代大家送上小小心意，記得睇埋片尾彩蛋呀！
