【Viu】「宇宙天團」ERROR三缺一現身《新城勁爆頒獎禮2023》，啱啱喺台灣返港嘅193因中流感而缺席！三子指攞「勁爆組合」係一個好大嘅鼓勵，抵死笑話係攞得最多組合獎嘅頒獎禮！一同去台灣嘅阿Dee笑話個trip太操勞，佢就係靠意志力去撐住唔病，但喺呢個trip，佢「發咗個夢」，內容喺酒店房個通風系統聽到有「人」敲嘢，最後用粗口大法先得到安寧！
保錡擸走「勁爆人氣偶像」，謙虛講得獎感受，話係出道2年嘅一個鼓勵！至於隊長肥仔就憑《Phat N Fresh》拎人生首個個人音樂獎「勁爆跳舞歌曲」，係努力嘅回報呀！不過三子笑話未有因為今日嘅好成績而對接下嚟嘅頒獎禮有信心，直接話條數點計都唔啱咁喎！快啲去片睇ERROR嘅足本訪問啦！
另外，WinWin拎走「勁爆新人」，佢竟然話會為咗個獎買間屋安置？咁豪爽？然後指慶祝活動繼續都係食燒肉，夢想係想開一間燒肉店咁話！講返術後康復進度，WinWin話條氣都依然唔順，有啲跳舞嘅step都未做到感沮喪，但因禍得福，發掘到用丹田唱歌！期待WinWin出慢歌！
